Жаңалықтар

Ағымдағы жылдың 30-31 қаңтары аралығында Павлодар облысы Статистика департаментінде Павлодар қаласы кәсіпорындарының (ұйымдарының) бухгалтерлері үшін «Еңбек статистикасы бойынша көрсеткіштерді қалыптастыру» тақырыбына семинарлар өткізілді. Қатысушылардың жалпы саны 100 адамға жуық болды.
Семинарға департамент бастығының орынбасары Ж.Ж. Мағзамова, еңбек және қаржы статистикасы басқармасының мамандары қатысты.
Талқылау барысында есептілікті жинақтау кезеңіндегі мәселелерге, мерзімдерге, сондай-ақ, ұсынылатын ақпараттардың дәйектілігіне қатысты мәселелер қарастырылды. Қатысушыларға есептерді электрондық түрде және алдағы уақытта On–line режимінде тапсыру принциптері түсіндірілді.
Сөз сөйлеулер слайдтарды көрсетумен қатар жүрді.