Жаңалықтар

Ағымдағы жылдың 30-31 қаңтары аралығында Павлодар облысы Статистика департаментінде Павлодар қаласы кәсіпорындарының (ұйымдарының) бухгалтерлері үшін «Еңбек статистикасы бойынша көрсеткіштерді қалыптастыру» тақырыбына семинарлар өткізілді. Қатысушылардың жалпы саны 100 адамға жуық болды.

2012 жылдың 1 қаңтарына жағдай бойынша Павлодар облысының Статистикалық бизнес тіркелімінде 12264 заңды тұлғалар тіркелді.

2011 жылдың қаңтар-желтоқсанында Павлодар облысы бойынша негізгі капиталға жұмсалған инвестициялар көлемі 206,4 млрд. теңгені, немесе 2010 жылға қарағанда 104,5%-ды құрады.

2011 жылдың 3 тоқсанында алдыңғы жылдың тиiстi мерзiмiмен салыстырғанда тамақ өнімдерінің барлық негiзгi топтары бойынша тұтыну процесінің өсуі байқалады.

2012 жылдың 25 қаңтарында Павлодар облысы Статистика департаментінің бастығы Д. Сұлтановамен облыстық «Қазақстан-Павлодар» телеарнасына 2011 жылғы облыс әлеуметтік-экономикалық дамуының жедел қорытындылары бойынша сұхбат берілді.

2011 жылдың қаңтар-желтоқсанындағы бөлшек тауар айналымы 147,7 млрд. теңгеге жетті және 2010 жылдың сәйкес кезеңімен салыстырғанда 14%-ға артты. Бөлшек сауданың өсуі рыноктағы жеке тұлғалардың және жеке кәсіпкерлердің сатуы есебінен болды

2011 жылы Павлодар облысында өңдеуден кейінгі салмақта 384,9 мың тонна дәнді және бұршақ дақылдары жиналды, оның 80,8%-ы – бидай. Сонымен қатар, 284,1 мың тонна картоп, 106,7 мың тонна ашық топырақта өсірілген көкөніс және 51,3 мың тонна майлы дақылдар жиналды.

2011 жылы Павлодар облысының көліктерімен жүзеге асырылған жүк тасымалдау көлемі 2010 жылмен салыстырғанда 23,6%-ға артты және 97,1 млн. тонна жүкті құрады.

2012 жылдың 16 қаңтарында «2011 жылдың қаңтар-желтоқсанындағы Павлодар облысының әлеуметтік-экономикалық дамуы» талдамалы баяндамасы шығарылды.

Пошталық және курьерлік қызметтерінің табыстары 2011 жылдың қаңтар-желтоқсанында 420,2 млн. теңгені құрады және 2010 жылдың сәйкес кезеңімен салыстырғанда 20,4%-ға өсті. Халыққа қызметтерді өткізу үлесі 62,9%-ды құрады.